د افغانستان د کرکټ ملي لوبډله به د کرکټ د نړیوالې شورا د بشپړ غړي په توګه لومړنۍ مسابقه له زیمبابوې سره په شارجه کې وکړي.
افغانستان او ایرلنډ په جون میاشت کې د کرکټ د نړیوالې شورا بشپړ غړیتوب تر لاسه کړ.
د افغانستان او زیمبابوې ټېسټ لوبه به پنځه ورځنۍ وي.
دا به د افغانستان لپاره لومړنۍ پنځه ورځنۍ مسابقه وي.
د افغانستان د کرکټ ملي لوبډله له ډېرو کلونو راهیسې د شارجې په نړیوال سټیډیوم کې مسابقې کوي، ځکه چې افغانستان لا هم په نړیوالو معیارونو برابر لوبغالی نه لري.