د پښتون ستر لاریون مشر منظور پشتین خپل کور ته په ستنېدو ېې تود هرکلی شوی

 

د کوزې پښتونخوا زرګونه پښتنو ځوانانو چې د خپلو حقونو تر لاسه کولو لپاره په اسلام اباد کې را غونډ شوي وو ویلي که تر یوې میاشتې پورې یې ټولې غوښتنې و نه منل شي یو ځل بیا به په مدني حرکتونو لاس پورې کړي او د عدم تشدد مبارزې سره به خپل برخلیک پخپله ټاکي.

د یاد لاریون مشر منظور پشتین وايي تر لاریون وړاندې د پاکستان پوځ پښتانه دومره ډارولي وو چې د خپل حق غوښتلو غږ یې هم نه شوای اوچتولی.

دی زیاتوي چې د پاکستان پوځ د پښتنو نوي نسل د بربادۍ پسې را اخیستې وه.

منظور پشیتن په اسلام اباد کې شوی ستر لاریون د پښتنو ستره بریا ګڼي او وايي چې په ټوله نړۍ کې د پښتنو په څېر پر امنه خلک نه پیدا کیږي.

د کوزې پښتونخوا د پښتنو ځوانانو یاد خوځښت په داسې حال کې د تود هر کلي سره مخ شوی او نړېوالو ته یې دا ثابته کړه چې پښتانه ترهګر نه بلکې په دوی جګړه تپل شوې.

تر یاد لاریون وروسته د اروپايي پارلمان مرستیال رییس هم له نړیوالو غوښتنه کړې چې اوس باید هغه تاریخي تېروتنه جبران کړي چې له مخې یې د پښتنو په زړه کې د ډیورند کرغېړنه کرښه راښکله.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *