Enikass Radio | انعکاس راډیو
د ډېرو خلکو په نوکانو کې سپيینې نښې پیدا کېږي او ځینې کسان فکر کوي چې دا نښې په بدن کې د کلشیم د کموالي له کبله وي.
د بریتانیا د میرر ورځپاڼې د دوشنبې د ورځې (مې ۲۰) د راپور له مخې، دا تصور تازه نه دی بلکې له پخوا زمانو څخه فکر کېږي چې که د چا کلسیم کم وي په نوکانو کې یې سپینې نښې پیدا کېږي.
خو اوس تحقیقات وايي، دا نښې – چې علمي نوم یې (punctate leukonychia) دی- د کلسیم له کموالي سره تړاو نه لري.
څېړنې ښيي چې دا نښې عموماً هغه وخت پیدا کېږي چې نوک ته صدمه ورسېږي.
ممکن د لاس ګوته مو له مېز یا کوم بل شي سره ولګېږي او په نتیجه کې یې دا ډول نښه په تدریج پیدا شي.
همداراز د ګوتې یا نوک زبېښل هم د سپینو ټاپو سبب کېدای شي.
خو د سابو په شان خواړه د دې ډول نښو له ژر ورکېدو سره مرسته کوي.
