یو شمیر بنسټونه دټاکنو خپلواک کمیسیون غړي په ناغیړۍ تورنوي

پر ټاکنو څارونکي بنسټونه د ټاکنو خپلواک کمیسیون غړي په خپلو کارونو کې په ناغیړۍ تورن وي او وایي چې همدغه ناغیړي د دې لامل شوي چې ټاکینز کارونه وځنډوي

خو د ټاکنو خپلواک کمیسیون عملیاتي مرستیاله وسیمه بادغیسي له څارونکو بنسټونو غواړي چې د دغه کمیسیون پر غړو دې د نیوکو پر ځای په افغان حکومت فشار راوړي څو د دغه کمیسیون طرحو ته په خپل وخت ځواب ورکړي

د ټاکنیزو حوزو د تعینولو طرحه ۱۱ میاشتې کیږي چې د ولسمشرۍ ماڼۍ ته استول شوې ده خو تر اوسه یې د طرحې په اړه د ټاکنو خپلواک کمیسیون ته هیڅ ځواب نه دی ورکړل شوی

د ټاکنو کمیسیون مسولین وایي چې د دې طرحې په اړه د حکومت خاموشۍ دوی ته کاري ستونزې پیدا کړي کړي دي

د ټاکنو د خپلواک کمېسیون عملیاتي مرستیال د دې بنسټ د دارالانشا د نوي رییس د غوره کولو په اړه وايي دا څوکۍ به ډېر ژر اعلان ته ورکړل شي او په یوه میاشت کې به یې برخلیک هم روښانه شي.

څارونکي بنسټونه د ټاکنو د خپلواک کمېسیون د طرحو او لیکونو د نه ځوابولو په غبرګون د دې کمېسیون غړي د خپلو واکونو په کارولو کې ناتوانه بولي.

د دې طرحې له مخې ولایتونه د وګړو او هغو څوکیو له مخې چې په ملي شورا کې یې لري په ټاکنیزو حوزو ویشل کیږي او کابینه باید دا طرحه رد یا تایید کړي

 

جان اغا صالح

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *