دنظر خاوندان ورته دشک په سترګه ګوري؛داسلام اباد مذاکرات دملا هېبت الله په غوښتنه ترسره شوي

وسله والو طالبانو تایید کړې، چې یو پلاوی یې په دې وروستیو کې اسلام اباد ته تللی دی. د رویټرز خبري اژانس دخبر له مخې د قطر دفتر یو پلاوی اسلام اباد ته تللی دی او هلته یې د سولې په اړه خبرې کړې دي. اژانس د خپلو سرچینو په حواله لیکي، چې دغه خبرې د ملا هبت الله په امر تر سره شوې دي. په خبر کې راغلي، چې هبت الله غوښتي د سولې د خبرو د بیا پیل او د روانو جګړو د پای لپاره دغه پلاوی مذاکرات وکړي. بل لور ته داسې راپورونه خپاره شوي، چې دغه پلاوي له حامد ګیلاني سره هم کتلي دي. حامد ګیلاني چې د محاذ ګوند مشري کوي، څه موده وړاندې ویلي وو، چې افغانان به د سولې په اړه نوي زېري واوري. خو تر اوسه دا معلومه نه ده، چې دغه اقدامات رښتیني دي او که نه له فشارونو د پاکستان د خلاصولو هڅه ده.