د وریجو ډیر استعمال سرطان زیږونکی دی

د ډنمارک روغتیا څیړونکي وايي: لکه څنګه چې وریجې د غیر عضوي ارسنیک موادو څخه برخه من دي، نو د وریجو ډیر استعمال (ګټه اخیسته) کولای شي چې د سرطان ناروغي رامنځته کړي.wriji

دغو روغتیا څیړونکو له کورنیو غوښتي چې خپلو اولادونو ته دې د وریجو او له وریجو د تیاریدونکو خوړو له روزانه ورکړې ډډه وکړي، تر څو خپل اولادونه د سرطان له خطره وژغوري.

ټاکل شوې چې د دغو څیړنو پایلې تر راتلونکو دوو میاشتو نشر شي.

د تیرې میلادي سپټمبر میاشتې په جریان کې هم د امریکا د خوړو څخه د څارنې ادارې اعلان کړی ؤ، چې د وریجو د ډیر استعمال په وجه د سرطان د منځته راتګ په تړاو يې یوه پراخه څیړنه پيل کړې ده.

ژباړه: یوسف ظریفي