سعودي ښځو ته له محرم پرته د ويزې ورکولو اعلان کړی

سعودي عربستان د بدلون پر لور د چټکو گامونو په مزل کې نوی گام اخيستی او اعلان يې کړی، چې له دې وروسته د بهرنيو هېوادونو ښځې کولی شي، چې سعودي ته له شرعي محرم پرته ورشي.

د سعوي د جوازونو د ادارې مشر عمر مبارک رسنيو ته ويلي، چې د بهرنيو هېوادونو ښځې کولی شي، چې له شرعي محرم پرته هم سعودي ته ور شي، خو تر پنځويشتو کلونو لږ عمر لرونکې ښځې بايد د سفر لپاره له ځان سره شرعي محرم ولر.

د سعودي چارواکو په وينا د سياحتي وزيرې وخت به دېرش ورځې وي، په سياحتي سفر تلونکې ښځې بايد لږ تر لږه پنځه‌ویشت کاله عمر ولري او تر دې لږ عمر لرونکو ښځو لپاره د محرم شتون اړین دی.

عمر مبارک ويلي، چې په دې اړه نور چمتووالی هم روان دی او د لوړپوړ چارواکو له هوکړې وروسته به د بهرنيو هېوادونو ښځو ته د ويزو ورکولو لړۍ پيل شي.

سعودي رسنۍ وايي، چې د روان کال مارچ کې به له محرم پرته ښځو ته د سياحتي ويزو د ورکړې لړۍ پيل شي او د دغو ويزو د پلورلو واک به يوازې يو شمېر ځانگړو شرکتونو سره وي.

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *