زمونږ د ژوند په توره شپه زرګونه کاله تیر شول
لا جوړه نه ده په ډیوه زرګونه کاله تیر شول
اوس په دې لسو شلو ورځو کې به څه بدل شي
د دې بدلون په اراده زرګونه کاله تیر شول
دلته د سولې په خاطر بیشماره وینې توی شوې
دلته د امن په نامه زرګونه کاله تیر شول
یو وخت زمونږه د وجود یوه شیبه ورکه وه
بیا زمانه په زمانه زرګونه کاله تیر شول
کلي ایره شول د دونیا ښارونه وسوزیدل
مړه کیږي نه په دې لمبه زرګونه کاله تیر شول
سعوده خلق اوس د نوو فیصلو په تمه
بس نور په دغه تماشه زرګونه کاله تیر شول
_______________________________
سید شاه سعود