Enikass Radio | انعکاس راډیو
د ننګرهار رسنیو له د فتر په خپره شوې خبرپاڼه کې راغلي چې تېره شپه د ملي امنیت ځانګړو ځواکونو د چپرهار ولسوالۍ په اغزو او داودزي سیمه کې ځانګړي عملیات ترسره کړي چې د داعش ډلې د نظامي مسئول او یو قوماندان په ګډون پکې نهه غړي وژل شوي دي.
د ننګرهار د والي ویاند عطاء الله خوګیاڼی وایي، ځانګړو ځواکونو د چپرهار ولسوالۍ په اغزو او داودزۍ سیمو کې د داعش ډلې په یو مرکز عملیات ترسره کړي چې د داعش ډلې نظامي مسئول ډاکټر بلال او د دې ډلې مهم قوماندان ابوبکر سره د اوو نورو ملګرو وژل شوي دي چې د وژل شویو داعشیانو جسدونه هم په سیمه کې پاتي دي.
د خوګیاڼی د معلوماتو له مخې د داعشیانو په یاد مرکز کې شپني توربین یو شمېر وسلو او مهماتو ترڅنګ د داعش ډلې مهم اسناد او لاسې بمونه هم له منځه وړل شوي دي په یادو عملیاتو کې امنیتي ځواکونو او ملکي وګړو ته کوم زیان نه دی رسېدلی.
د یادوني وړده، چې له دې وړاندې هم د ملي امنیت ځانګړو په ځینو ولسوالیو کې په شپنې عملیات ترسره کړي چې په ترڅ کې د داعش ډلې غړي وژل شوې او ځیني مرکزونه یې هم له منځه وړل شوي دي.
