کلتور (فرهنګ) څه ته وایي؟‎

لیکنه: الهام الله بابر

کلتور (فرهنګ) یعنې: پرته د اجازې څخه د کوم شخص یا وګړي انځور یا ویډیو وانخلي.
کلتور (فرهنګ) یعنې: د چا د میاشتني یا کلني عاید چې مونږ پورې هیڅ اړه نه لري باید ونه پوښتل شي، او پوښتل یې عیب هم دی.
کلتور (فرهنګ) یعنې: که چیرې مونږ ته څوک څه خبره یا عکس ښایې نو دریم ګړې باید سترګې ورپرګې نه کړي چې د کتلو کوښښ یې وکړي.
کلتور (فرهنګ) یعنې: د بل شخص خبرو لهجه باید په ټوکو وانخیستل شي.
کلتور (فرهنګ) یعنې: ترهغه وخته پورې چې یو چا سره هم نظر ونه اوسې د ویښتو رنګ، کموالي ډیروالي، کمزوري او چاقوالي باندې نظر مه ورکوئ.
کلتور (فرهنګ) یعنې: کله چې میلمانه مو له کور ووځي د وره د بندول سره سم ورپسې غیبت کول مه کوئ.
کلتور (فرهنګ) یعنې: ملګري مو د نوې ملګري په مقابل کې له یاده مه وباسئ.
کلتور (فرهنګ) یعنې: فاضله مواد د وره یا پر سړک باندې مه اچوئ.
کلتور (فرهنګ) یعنې: د کور دوربین یا کړکې یا دروازې څخه د ګاونډیو څارنه مه کوئ.
کلتور (فرهنګ) یعنې: کله چې چا درته ډالې واخیسته نو د ارزښت یا قیمت پوښتنه یې مه کوئ.
کلتور (فرهنګ) یعنې: د موټر پارک کولو پیسې ورکړئ څخه مه تښتئ.
کلتور (فرهنګ) یعنې: د ترافیکي ټولو قوانینو پابندي باید وکړو.
کلتور (فرهنګ) یعنې: د چا په شخصي چارو کې باید مداخله ونه کړو.
کلتور (فرهنګ) یعنې: شیطانت او خبره وړل باید ترسره نه کړو.
کلتور (فرهنګ) یعنې: د مشرانو باید درنښت او پر کشرانو باید شفقت وکړو.
کلتور (فرهنګ) یعنې: یو بل باید ومنو او میړه او ښځې باید خپلو خبرو ته پاملرنه وکړي.
کلتور (فرهنګ) یعنې: خپل ځان باید لوې ونه ګڼو او همدارنګه خپل تعلیم او پوهه باید پورته پر بل ونه شمیرو.
کلتور (فرهنګ) یعنې: د بل خبرو ته باید غوږ ونیول شي او خبرو نوبت باید هم د پامه ونه غورځول شي.
کلتور (فرهنګ) یعنې: حتی د ورکوټي شخص خبرو ته هم باید غوږ ونیسو.
کلتور (فرهنګ) یعنې: د کور، کوڅې، دفتر پاکوالي ته او همدارنګه د کالو ته کلکه پاملرنه وکړو
د راتلونکو نسلونو دپاره د کلتور لیږد برخه کې تعلیم لرونکي وګړي ښه رول لوبولي شي او همدارنګه د کلتور څخه لریوالي د ټولنې په زیان او تل پاتې بدبختې سبب ګرځي چې د وخت په تیریدو سره په مختلفو لارو هر سړې تګ کوي چې پایله یې د کلتور ورکیدو او بدلون سبب ګرځي. که څه هم کلتور داسې ژر نه جوړیږي د ډیرو قربانیانو او کوښښونو وروسته رامنځته کیږي نو غوښتنه دا ده چې باید کلکه پاملرنه ورته وشي ترڅو ډیر ارزښت لرونکې څیزونه په ټولنه کې پریږدو.

 

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *