Enikass Radio | انعکاس راډیو
په ننیو انتخاباتو کې به شوکت مېر ضیایف له دریو نورو نوماندانو سره سیالي وکړي.
شوکت میرضیایف چې د ازبکستان اوسنی سرپرست ولسمشر دی، ډير اټکل کیږي چې د راتلونکو پنځو کلونو لپاره د ازبکستان ولسمشر شي.
خاتم جان کتمانوف د خلکو ډیموکراټیک ګوند انتخاباتو ته درولی دی، سرور اته مرادوف د ډیموکراټیک ګوند استازی دی او نریمان عمروف هم د عدالت ګوند استازی دی، چې ټول یې حکومت پلوي دي.
د ازبکستان د انتخاباتو کمېسیون ډاډ ورکړی چې انتخابات به په پوره شفافیت ترسره شي.
د بشري حقونو فعالانو په ازبکستان کې پخوا څو- څو ځله پر حکومت تور پورې کړی، چې خلکو ته پوره درناوی نه ساتي او د ډېرو حقونه تر پښو لاندې کېږي.
ازبکستان کې ۲۱ میلیونه کسان د رأیې ورکونې په شرایطو برابر دي او تمه ده نن د خپل راتلونکې ولسمشر د ټاکلو لپاره رایې وکاروي.
