Enikass Radio | انعکاس راډیو
د ۲۰۱۴ کال د شل اوریزو سیالیو په نړیوال جام کې د افغانستان د کرکټ ملي لوبډلې
خپله دویمه لوبه له هانګ کانګ څخه په ۷ ویکټو وګټله.
د افغان ټیم لپاره محمد شهزاد محمدي چې په لومړي نمبر راوتلی و ۶۸ منډې وکړې او شفیق الله شفق هم په ۲۴ بالونو ۵۱ منډې جوړې کړې.
د کرکټ بورډ اجرایوي رییس ډاکټر نور محمد مراد رسنیو ته وویل؛ د سه شنبې په ورځ افغان لوبغاړو د بیټینګ په برخه کې ښې وړتیاوې وښودې؛ څو یې دا لوبه په لوړ امتیاز له هانګ کانګ څخه وګټله.
