Enikass Radio | انعکاس راډیو
امازون د کرسمس پرمهال خپلو کارکوونکو ته ۵۰۰ میلیونه ډالر انعام ورکوي. دا کار له هغه وروسته کیږي چې د شرکت په وینا د کورونا وبا پرمهال د دوی سوداګرۍ وده کړې.
درې سوه میلیونه به هغو کارکوونکو ته ورکول کیږي چې ټوله ورځ کار کوي او پاتې برخه به یې پر هغو کارمندانو وویشل شي چې نیمه ورځ کار کوي. ټولټال څه باندې ۵۰۰ میلیونه ډالر به د ډیسمبر له لومړۍ تر ۳۱ د کرېسمس پرمهال کارګرانو ته ورکړل شي.
د امازون مشر او د نړۍ تر ټولو شتمن کس جېف بېزوس د کورونا وبا پرمهال د خپلو کارمندانو هڅې ستایلي دي.
