جان کري وايي، امريکا او روسيه پر نويو لارو چارو غور کوي، څو په مرسته يې هغه ډيپلوماتيک کړکېچ پای ته ورسېږي چې د سوريې په حلب کې د جګړې درولو پر سر رامنځته شوى دى.
د امریکا د بهرنیو چارو وزیر وویل، په راتلونکې اوونۍ کې به په جینوا کې هم سره غونډه ولري.
نوموړي همداراز د دواړو لوریو لخوا د ډیپلوماټیکو هڅو پر دوام ټینګار وکړ.
په ورته وخت کې د روسیې د بهرنیو چارو وزیر سرګي لاوروف وویل، د سوريې شخړه پوځي حل لار نه لري او نړیوال باید د سوريي د روان کړکیچ د ختمولو ملاتړ وکړي.
دوه اوونۍ وړاندې د حلب ښار د بېرته نیولو لپاره عملیات پیل شول، چې روسیه یې ملاتړې ده.