وسله وال طالبان وایي، له دې وروسته پر امریکايي ځواکونو بریدونه نه کوي او امریکايي ځواکونه به پر دوی حملې نه کوي؛ خو په نورو اړخونو چې افغان ځواکونه دي، د بریدونو نه کولو پرېکړه به وروسته کوي.
د طالبانو د قطر دفتر ویاند سهیل شاهین له بي بي سي سره خبرو کې ویلي، امریکا او دوی هوکړه کړې چې پر یو بل به بریدونه نه کوي.
د شاهین په خبره، په قطر کې د نن ورځې مذاکراتو پر مهال افغانستان کې د امریکایي ځواکونو قوماندان جنرال سکاټ مېلر هم موجود و.
دا مذاکرات تېره ورځ له دوه میاشتني ځنډ وروسته بېرته پيل شول چې نن هم روان وو.