Enikass Radio | انعکاس راډیو
د امریکا پلازمېنه واشنګټن کې د کانګرس ودانۍ ته نږدې یوه بریدګر خپل موټر پر امنیتي کسانو ورخېژولی او په پایله کې یې یو پولیس افسر وژل شوی دی. بریدګر وروسته د پولیسو په ډزو سره وژل شوی دی.
د کانګرس ودانۍ ساتونکو پولیسو ویلي، چې وژل شوی پولیس افسر له تېرو ۱۸ کلونو راهیسې د کانګرس ساتونکو پولیسو افسر په توګه دنده درلوده. دغه پېښه د اساسي قانون واټ سره شوې چې سناتوران او د دوی اداري کارکوونکي ترې د کانګرس ودانۍ ته هره ورځ ننوځي.
