Enikass Radio | انعکاس راډیو
ایران وایي چې په سیمې کې د امن او سولې لپاره له سعودي عربستان سره خبرو ته تیار دي.
په ملگرو ملتونو کې د ایران استاځي غلام علي خسرو د ملگروملتونو سرمنشي او د امنیت شورا ته په یو لیک کي لیکلي مونږ نه غواړو د گاونډي ملک سره تشنج زیات کړو.
ايران چمتووالی ښوودلی چي په سيمه کي به د فرقه ييزې جګړې د ختمولو او د سولې د ټينګولو لپاره له سعودي عربستان سره خبرې وکړي.
سعودي او ايران په منځني ختيځ کي د مخالفو وسله والو ډلو ملاتړ کوي.
سعودي پر ايران تور پورې کوي، چي په یمن کې د حوثي ياغيانو ملاتړ کوي.
حوثيان له څو کلونو راهيسې د يمن د حکومت پر ضد جنګيږي، او د سعودي عربستان په مشرۍ د ترهګرۍ ضد نړيوال ائتلاف پرې هوايي بريدونه کوي.
په ملګرو ملتونو کي د ايران استازي، غلام علي خسرو ملګرو ملتونو ته په خپل ليک کې غوښتنه کړې، څو پر سعودي عربستان فشار راوړل شي، چي د ترهګرو له ملاتړه لاس واخلي.
