د بالیووډ وتلې ستورې الینا ډي کروز وايي، چې د ډیپرشن او دماغي ګډوډۍ له امله يې ان د ځان وژنې په اړه فکر کاوه.
خو یو وخت هر څه بدل شوه؛ او دا هله بدل شوه، کله چې هغې د ځان په اړه ښه احساس وکړ او خپله خپل ځان ته په احترام ګویا شوه.
الینا ته د دماغي ناروغیو په برخه کې د عامه پوهې لوړلو په خاطر د میرمنو معتبره جایزه Women of Substance ایوارډ هم ورکړل شوی دی.
الینا وايي:
((ما همیشه د ځان په اړه فکر کاوه. خپل ځان مې کم باله. زه وروسته وپوهیدم، چې زه ډیپریشن لرم او له دماغي ګډوډۍ زوریږم.))
نوموړې زیاتوي، چې آن یوه وخت يې د ځان وژنې په اړه فکر کاوه، خو دا ټول هغه وخت بدل شوه، کله چې دې خپل ځان ومانه.
ددې په وینا، څنګه چې يې، هماغسې ځان قبولول، د ډیپریشن سره د مقابلې غوره لار ده.
الینا په رستم او برفي فلمونو کې کار کړی. تازه يې دوه فلمونه نور – مبارک کون او بادشاه هو – هم خپاره شوي دي.
هغه وايي، ډیپریشن حقیقت لري او خلک يې باید په وړاندې د مبارزې لپاره مرسته وغواړي.