Enikass Radio | انعکاس راډیو
افغان کرکټ ستوري راشد خان د اسټرالیا د بيګ باش کرکټ سیالیو په لومړۍ لوبه کې د غوره لوبغاړي جایزه خپله کړه.
دغه افغان کرکټر په ۴ اورونو کې ۲۲ منډې ورکړې او ۲ سیال لوبغاړي یې وسوځول.
د اسټرالیا په تجارتي کرکټ سیالیو کې د اډیلیډ سټرایکرز لوبډلې چې راشد خان پکې لوبیږي د جمعې ورځې دا لوبه د ۵۳ منډو په توپیر له سیډني تندر لوبډلې وګټله.
د اډیلیډ ټیم لوبغاړو ۱۶۳ منډې کړې وې، خو سیدني لوبډله په ۱۱۰ منډو وسوځېده.
اډیلیډ ټیم اوس وخت د بیګ بش لومړی مقام ساتلی دی.
اخوا د محمدنبي ملبورن لوبډلې هم وړمه ورځ لوبه وګټله او سبا بیا له برسبن سره مخ کېږي.
د اډیلیډ ټیم بله لوبه د راتلونکې پنجشنبې په ورځ ده.
