Enikass Radio | انعکاس راډیو
ژباړه: حامد حقمل
په کور کې څو کسان یاست؟
زده کوونکي ځواب ورکړ پنځه کسان
ښوونکی: ښه که چېرې په یوه کوټه کې پنځه کسان وي نو د پښو شمېر به یې څو وي؟
زده کوونکي تر څو ثانیو ځنډ وروسته په لوېدلي غږ ځواب ورکړ اووه (۷) پښې!
ښوونکي په تونده لهجه وویل: څو ځله مې تاسو ته ویلي دي چې درس وایئ؛ دا څنګه ممکن دی، چې په یوه ګوټه کې د پنځه ( ۵) کسان وي او د هغه د پښو شمېر د اووه (۷) شي !؟
۵ په ۲ کې ضرب کړه مساوي په لسو (۱۰) کېږي نه اووه (۷)!
زده کوونکي په ډیره عاجزۍ وویل:
ښوونکی صاحب!
ټول خلک دوه (۲) پښې نه لري.
د پلارمې دواړه پښې د ماین په چاودنه کې پرې شوې دي، او کوچنۍ خور مې هم یوه پښه پرې شوې ده.
که چېرې دې دغه سوال زما د ورور د واده څخه مخکې کړی وئ، نو زما ځواب به څورلس (۱۴) وو.
کله مو چې د ورور واده راوړلو، نو زموږ موټر په لاره کې په ماین برابر شو؛ مور او ورور مې پکې شهیدان شول او د پلار مې دواړه پښې پکې له منځه لاړې او د کوچنۍ خور یوه پښه پکې له منځه لاړه.
اوس موږ پنځه نفره یو د پښو شمېر اووه دی نه لس
