Enikass Radio | انعکاس راډیو
د طالبانو ځينې سرچینې وايي، چې پاکستاني حکومت د دوی یو مشر ملا عبدالغني برادر د چارشنبې په ورځ مازديګر مهال خوشی کړی دی.
ځینې رپوتونه وایي، له نوموړي سره دوه تنه نور طالب مشران هم خوشې شوي.
د پاکستان ځینو استخباراتي سرچینو هم تېره شپه ناوخته تائيد کړې ده، چې ملا برادر يې خوشې کړی دی.
ملا برادر شاوخوا اته کاله وړاندې د پاکستان په کراچۍ ښار کې د امریکايي او پاکستاني ځواکونو په ګډو عملیاتو کې نیول شوی و.
عبدالغني برادر چې اته کاله وړاندې نیول کېده، هماغه وخت د طالبانو په پخواني مشر ملا محمد عمر پسې دویم مهم مشر بلل کېده.
