د هندوستان غوره لیګ سیالیو په اتمه لوبه کې سنرایزر حیدر اباد لوبډلې د راشد خان په ښې لوبې سره راجستان رایلز ته په پنځو ویکټو ماتې ورکړه.
ټاکل شوې په یادو سیالیو کې نن درې بجې د کینګز اېلېون پنجاب او ممبۍ انډینز لوبډلو ترمنځ او ماښام ۷ بجې د ډیلي او کلکتې لوبډلو ترمنځ لوبه پیل شي.
تېره شپه د هندوستان غوره لیګ سیالیو کې د راشد او نبي اړوند سنرایزر حیدر اباد او راجستان رایلز لوبډلو ترمنځ لوبه ترسره شوه.
راجستان لوبډلې په دې لوبه کې د سمسون په ښې توپ وهنې سره شلو اورونو کې د دوه لوبغاړو په زیان حیدراباد لوبډلې ته د ۱۹۹ منډو هدف ورکړ.
توپ اچونه کې راشد خان او ندیم یوه یوه ویکټ واخېسته.
مقابل کې یې حیدراباد لوبډلې یاد هدف ۱۹ اورونو کې د پنځو لوبغاړو په زیان سره پوره کړ او لوبه یې د ۵ ویکټو په شتون کې وګټله.
ډېوېد وارنر ۶۹، برسټو ۴۵ او په ورستیو کې راشد خان په ۸ بالونو د یوې شپږې او یوې څلوریزې په مرسته ۱۵ ناسوځېدلې منډې وکړې، لوبډله یې بریا ته ورسوله او د لوبې غوره لوبغاړی وټاکل شو.
په دې سیالیو کې به نن ۷ بجې ډیلي کاپیټالز لوبډله له کلکته نایټ رایډرس لوبډلې سره د سیالۍ ډګر ته ښکته شي.