Enikass Radio | انعکاس راډیو
ژوند مې خوښيږي خو غمونه زما نه خوښيږي
په دې صحرا کې خپل خاپونه زما نه خوښيږي
د درد جامې ورته ګنډم د زړه په ستړي درزي
د اسويلو لوڅ بدنونه زما نه خوښيږي
په ماشومتوب کې مې اغزى و چرته پښه کې تلى
چې را زلمى شومه ګلونه زما نه خوښيږي
ته خفه نه شې ټوله شپه به تيروم په ويښه
ته خفه نه شې تصويرونه زما نه خوښيږي
د تنهائي احساس زما سره بيخي نه پريږدي
ګني باقره! ديوالونه زما نه خوښيږي خوښيږي
ــــــــــــــــــــــــــــــــــــــــــــــــــــــــــــــــــــــــــــــــــــــــ
شاه نواز باقر
