غزل

د مرتبې خاوند د چانه مرتبه نه غواړي

په توره شپه کې ځان ته ناست دی خو ډيوه نه غواړي

په بندیزونو باندې پښې کیږده راځه راپسې

ساه د وجود نه د وتلو اجازه نه غواړي

د دریابونو نه چې واوړي نو پښيمان شي خلک

هېڅوک د چانه دومره ډيره فاصله نه غواوي

چې يې د پلار په جائيداد ورورنه ګريوانونه شکوي

بيوسه انجونې ترينه خود خپله حصه نه غواړي

د چا په سترگو کې به درد محسوسوې پخپله

دیوال د چانه لیونیه گلدسته نه غواړي

باقره! اوسه په يوه نه يوه زړه کې د چا

دا داسې کور دی چې هېڅوک يې کرايه نه غواړي

شاهنواز باقر