د ویسټ انډیز کاربین شل اوریزو تجارتي کرکټ سیالیو کې د قیس احمد اړوند اس ټي لوشیا سټارس لوبډلې د بارباډوس ټرایډینټس لوبډلې ته په ۳۸ منډو ماتې ورکړه.
دې لوبه کې سټارس لوبډلې د ۶ لوبغاړو په سوځېدو سره بارباډوس لوبډلې ته د ۲۲۷ منډو هدف ورکړ.
توپ وهنه کې لوبډلمشر کیرن پورلارډ په ۵۸ بالونو د ۸ شپږیزو او ۶ څلوریزو په مرسته ۱۰۴ منډې وکړې.
بارباډوس لوبډلې د ۶ لوبغاړو په سوځېدو سره یواځې ۱۸۸ منډې جوړې وکړې او هدف یې پوره نه شو کړای.
توپ اچونه کې افغان ورو توپ اچونکي قیس احمد خپلو ۴ اورونو کې د ۲۹ منډو په ورکولو سره دوه ویکټې واخیستې.
قیس احمد د خپلې اس ټي لوشیا سټارس لوبډلې لپاره له پنځو لوبو څخه په څلورو کې توپ اچونه ترسره کړې او ټولټال یې پنځه لوبغاړي سوځولي دي.
خبریال: نصرت الله عمرزی