Enikass Radio | انعکاس راډیو
د لغمان د والي ویاند اسدالله دولتزی وایي، چې د ملي امنیت منسوبینو د لغمان ولایت مرکز مهترلام کې د وسله والو طالبانو د قوماندان زرقاوي ډلې یو سرګروپ رحمان الله نیولی دی.
د دولتزي په خبره چې له نیول شوي طالب سرګروپ سره یو میل کلاشینکوف، شاجورونه، د راکېټ مرمۍ او چاودېدونکي توکي هم نیول شوي دي.
یاد سرګروپ په یو ویډیویي کلېپ یا غږ کې په خپل وسله وال فعالیت اعتراف کړی.
د لغمان د والي ویاند اسدالله دولتزی وایي، چې نیول شوی کس د نورو څېړنو لپاره اړوندو کشفي ادارو ته سپارل شوی دی.
