په فاریاب کې هوايي برید څلور وسله وال طالبان وژلي او څلور نور یې ټپیان کړي دي

په شمال کې د ۲۰۹ شاهین قول اردو چارواکي وايي، هوايي برید تېره شپه لس بجې د بهرنیو ځواکونو بې پيلوټه الوتکې د فاریاب ولایت په غورماچ ولسوالۍ کې د وسله والو طالبانو په یوه پټڼځای تر سره کړی، چې پر مهال یې د یادې ډلې یو شمېر سپکې او درنې وسلې هم له منځه وړل شوي دي.

وسله والو طالبانو لا تر اوسه په دې اړه رسنیو ته څه نه دي ویلي.