د کلکتې خلاف لوبه کې راشدخان نوې کارنامې وکړې.
دا لوبه چې تېره شپه ترسره شوه ټاس کلکتې لوبډلې وګټلو او سنرایزرس لوبډلې ته یې د توپ وهنې بلنه ورکړه.
سنرایزرزس لوبډله توپ وهنه کې له ستونزو سره مخ وه، خو د راشد خان په چټکې توپ وهنې سره یې د بریا هیلې پیدا شوې.
دې لوبه کې سنرایزرس لوبډلې کلکتې ته د ۱۷۵ منډو هدف ورکړ.
راشد په لس بالونو د ۴ شپږیزو او دوه څلوریزو پرمټ ۳۴ ناسوځېدلې منډې وکړې او تر نورو لوبغاړو یې ښه توپ وهنه وکړه.
کلکته لوبډله د راشد د ښې توپ اچونې له امله د هدف ترلاسه کولو کې پاتې راغله.
شلو اورونو کې یې ۱۶۰ منډې وکړې او لوبه یې د ۱۴ منډو په توپیر سنرایزرس لوبډلې ته وبایلله.
راشدخان خپلو څلور اورونو کې د ۱۹ منډو ورکولو په بدل کې درې مهم لوبغاړي اوتاپا، انډري رسل او کریس لین وسوځول او د لوبې د غوره لوبغاړي او د لوړ سټرایک ریټ جایزه یې هم ترلاسه کړه.
نوموړي د توپ اچونې او توپ وهنې سره سره ښه ډګر ساته هم ترسره کړه.
په ډګرساتنه کې یې د دوه کیچونو اخېستلو ترڅنګ یو رن اوټ هم وکړ.
سنرایزرس حیدرآباد لوبډله به سبا مازیګر ۶ بجې د چینای سوپر کینګز لوبډلې سره د سیالۍ ډګر ته ووځي.
نصرت الله عمرزی