Enikass Radio | انعکاس راډیو
د استرالیا په کوربه توب د هندوستان او استرالیا کرکټ ملي لوبډلو ترمنځ د درې شل اوریزو لوبو یو په یو مساوي پای ته ورسېده.
د دې سیالیو لومړۍ لوبه استرالیا لوبډلې د ډي اېل میتود له مخې په ۴ منډو وګټله.
دویمه لوبه یې د باران له امله بې نتیجې شوه، او په دریمه لوبه کې استرالیا هند ته د ۶ لوبغاړو په سوځېدو سره د ۱۶۵ منډو هدف ورکړ.
استرالیا ته ډارسي شارټ ۳۳ او آرون فینچ ۲۸ منډې وکړې، خو هند کرونال پنډیا ۴ ویکټې واخیستې.
هند لوبډلې یاد هدف شلم اور کې د ۴ لوبغاړو په زیان سره پوره کړ او لوبه یې د شپږ ویکټو په شتون کې وګټله.
ویرات کولي ۶۱ او شکر داون ۴۱ منډې وکړې.
ټاکل شوې د دواړو لوبډلو ترمنځ به جنوري میاشت کې د استرالیا په کوربه توب درې یو ورځنۍ لوبې هم ترسره شي.
خبریال : نصرت الله عمرزی
