Enikass Radio | انعکاس راډیو
د لوبې پچه کلکته نایټ رایډرز لوبډلې وګټله او ډیلي ډیرډیویلز لوبډلې ته یې د توپ وهنې بلنه ورکړه.
ډیلي لوبډلې ښه توپ وهنه وکړه، ټاکلو شلو اورونو کې یې د ۴ لوبغاړو په سوځېدو سره کلکتې لوبډلې ته د ۲۲۰ منډو هدف ورکړ.
توپ وهنه کې شیریس ايير ۹۳ ناوسوځېدلې او پریتوي شَو ۶۲ منډو وکړې.
کلکته لوبډله د هدف ترلاسه کولو کې پاتې راغله، ټاکلو شلو اورونو کې یې د ۹ لوبغاړو په اوټ کیدو سره یواځې ۱۶۴ منډې وکړې او لوبه یې د ۵۵ منډو په توپیر وبایلله.
توپ وهنه کې انډري رسل د ۴۴ او شبمن ګېل د ۳۷ منډو په جوړولو سره ښه وځلېد.
د کلکتې لپاره توپ اچونه کې بولټ، میشرا، اویش خان او میکسول دوه دوه لوبغاړي وسوځول.
د لوبې غوره لوبغاړی شیریس آییر وټاکل شو.
ګوتم ګمبیر د مسلسلو ماتو خوړولو وروسته د ډیلي لوبډلمشري آییر ته پریښوده او ښه ثابت شو.
ډیلي په ترسره شویو ۷ لوبو کې دوه ګټلي او ۵ یې بایللي دي، چې لا هم د جدول په ۷م مقام کې ځای لري.
د دې سیالیو په لړ کې نن ماښام ۷ بجې چینایي سوپر کینګز لوبډله د ممبۍ انډینز لوبډلې سره د سیالۍ ډګر ته وځي.
نصرت الله عمرزی
