د لغمان ولایت په الینګار ولسوالۍ کې پرون سهار يوې ناچاودې مرمۍ چاودېدو ۶ نجونې وژلي دي. د دغو نجونو عمرونه له لسو تر دوولسو کلونو پورې ښودل شوي دي.
د لغمان والي ویاند سرحدي ځواک وایې، په چل ګزي سیمه کې دغو ماشومو نجونو د آر پي جي یا راکټ ویشتونکي ناچاودې مرمۍ د لوبو پر مهال ټکولې، چې پرې چاودېدلې ده.
وژل شوې نجونې د ښوونځي د څلورم او پنځم ټولګي زده کوونکې وې.
ویل کېږي، وژل شوې ماشومانې د سون لرګیو ټولولو لپاره وتلې وې او له پخوا پرته مرمۍ یې ور اخیستې وه.
په افغانستان کې هر کاله زرګونه کسان د جګړو پاتې شونو ناچاودو مرمیو، توغندیو او ماینونو چاودنو له کبله وژل کېږي او یا یې د بدن غړي غوڅېږي.