د سترګو نظر د ښه کولو له پاره څو اسانه لارې

لیکوال:بریال

د نظر کمښت یو له هغه رنځونو څخه دی چې د نړۍ زیات شمېر خلک ورڅخه کړيږي.

ډاکتران وايي چې  د نظر کموالي یو له سترو لاملونو څخه زیات وخت کمپیوتر یا تلویزیون سکرین ته کېناستل دي.

دوی وايي چې د زیات وخت له پاره سکرين ته کتلو سره د سترګو راحت کمېږي،  ذهني او بدني ستړتیا پیدا کېږي، چې له امله يې د سترګو نظر کې کموالی راځي.

لاندې ليکنه کې څو هغه اسانه لارې په ګوته شوي چې د نظر پیاوړي کولو کې ګټورې ثابتېدای شي:

１-  که کله هم کتاب لولئ او یا د کمپیوټر او تلویزیون سکرين ته د زیات وخت له پاره کينئ، هر نیم ساعت وروسته مو سترګو ته لږ تر لږه یوه دقیقه ارآم ورکړئ.

２-  یخې اوبه د څښلو پر مهال تر لږ وخته په خوله کې وساتئ او بیا يې تېرې کړئ. له څښلو وروسته مو سترګې هم پرې پرېمنځئ.

３-  کوښښ کوئ چې سترګو ته مو هر وخت وينه په پروره ډول ورسېږي، د دې له پاره د څټ او سر ورزش اړين دی.

４-  که عینکې یا د سترګو لېنزونه اچوئ، هره ورځ يې د نيم ساعت له پاره لرې کړئ او د اسمان لورې ته په آرامه بې له کوم تمرکزه وګورئ.

５-  روزانه یو یا دوه ځل په سترګو اصلي د مچیو شهد اچول د سترګو ديد پیاوړلو کې خورا ډېر ګټور دي.

６-  تازه مېوه او سبزيجات د سترګو ديد پیاوړي کولو کې مهم رول لوبوي.

７-  سور مرچک اګر که د معدې او د پوستکې حساسیت له پاره ښه نه دی، خو د پوهانو په اند د سترګو له پاره بیا ګټور دی، ځکه چې خوراک سره يې سترګو ته د وينې جریان زیاتېږي.

８-  زعفران هم د سترګو له پاره ګټور دي. تاسې کولای شئ چې زعفران وخورئ، یا ترې چای وکړئ او یا پرې سترګې ووينځئ.