Enikass Radio | انعکاس راډیو
ټول سبزیجات د صحت او طاقت خزانه ګڼل کیږي؛ خو ځینې یې بیا د ډېرو مهلکو ناروغیو په مخنیوي کې عمده رول لري. اوس ساینسپوهان په دې نظر دي، چې د رومیانو استعمال د غدو د سرطان په مقابل کې د ډال رول لوبوي.
په انګلستان کې یو نوی تحقیق ښي، چې هغه نارینه چې په هفته کې ۱۰ رومیان خوري په بدن کې به یې د سرطان خطر ۲۰٪ نسبت هغو کسانو ته چې تازه رومیان نه استعمالوي کم وي.
په نړۍ کې هر کال ۳۵۰۰۰ کسان د غدې په سرطان اخته کیږي، چې له هغې جملې څخه ۱۰۰۰۰ کسان د بدن د مقاوت د کموالي له امله مړه کیږي.یو برطانوي تحقیقاتي ټیم چې د ۲۰۰۰۰ کسانو ژوند چې عمرونه یې د ۵۰ او ۶۹ تر مینځ وو مطالعه کړ او دې نتیجې ته ورسېدل چې په هفته کې د ۱۰ تازه رومیانو او یا د ۱۰ رومیانو له جوسه استفاده په نارینه وو کې د غدې د سرطان خطر ۲۴٪ را ټیټوي.
د برسټل پوهنتون پروفیسر ونیسیا ار وایي، چې تحقیق ثابته کړې چې د رومیانو استعمال په نارینه وو کې د غدې د سرطان خطر کموي او د دې ناروغۍ پر خلاف په بدن کی سخت مزاحمت کوي.
