انس بن مالك رضي الله عنه وایي: ځمکه هره ورځ په لس ډوله جملو سره اوازونه کوي، وایي: ای د ادم زویه!

۱ – ته زما پر شا باندې تګ راتګ کوي، اخر راتلل به دې زما نس ته وي.

۲ – ته زما پر شا باندې ګناهونه او نافرماني کوې؛ خو زما په نس کې به عذاب در کول شي.

۳ – ته زما پر شا باندې خاندې خو زما په نس کې به وژاړې.

۴ – ته زما پر شا باندې خوشحالۍ کوې؛ خو زما په نس کې به غمجن شې.

۵ – ته زما پر شا باندې مال جمع کوې خو زما په نس کې به پښېمانه شې.

۶ – ته زما په شا کې حرام خورې؛ خو زما په نس کې به دې چینجیان وخوري.

۷ – ته زما په شا کې فخر او غرور کوې؛ خو زما په نس کې به ذلیله او خوار شې.

۸ – ته زما په شا کې په خوشحالۍ او فخر تګ کوې؛ خو زما په نس کې به غمجن پرېوزې.

۹ – ته زما پر شا باندې په رڼا کې تګ کوې؛ خو زما په نس کې به په تیاره کې پرېوزې.

۱۰ – ته زما پر شا باندې د ټولیو ټولیو سره تګ کوې؛ خو زما په نس کې به یوازې پرېوزې.

ماخذ: منبهات ابن حجر عسقلاني صـ۱۰۹_۱۱۰.

تاج اسلام